Завхан аймгийн Улиастай суманд коронавирусийн сэжигтэй тохиолдол бүртгэгдэж, аймгийн хэмжээнд хөл хорио тогтоогоод байна. Тухайн иргэн нь Улаанбаатар хотоос өнгөрсөн нэгдүгээр сарын 21-нд аймагтаа очсон бөгөөд гэрийн тусгаарлалтад байх хугацаанд нь эмнэл зүйн шинж тэмдэг илэрчээ.Завхан аймгийн онцгой комиссын нэгдүгээр сарын 19-ны хуралдаанаар Улаанбаатар хотод гацсан иргэдээ нийтийн болон хувийн тээврийн хэрэгслээр татан авах шийдвэр гаргаж, өнгөрсөн сарын 21-25-ны хооронд нийслэлээс иргэдээ татан авсан байна. Завхан аймагт хөл хорио тогтоосон талаар аймгийн онцгой комиссын шуурхай штабтай холбогдож мэдээлэл авлаа.
-Завхан аймагт коронавирусийн сэжигтэй тохиолдол бүртгэгдсэн гэлээ. Энэ үнэн үү?
-Үнэн. Тухайн иргэн нь Улаанбаатар хотоос иргэдээ татах үеэр аймагтаа ирсэн. Үүнтэй холбоотой аймгийн хэмжээнд хөл хорио тогтоож, аймгаас орох, гарах хөдөлгөөний түр хязгаарлаад байна.
-Сэжигтэй тохиолдлыг тусгаарласан уу. Шинжилгээний хариу нь хэзээ гарах вэ?
-Тухайн иргэнийг гэр бүлийн хамт тусгаарласан. Гэртээ гурвуулаа амьдардаг. Гэрийн тусгаарлалтад байх хугацаандаа эмнэл зүйн шинж тэмдэг илэрсэн байна лээ. Өнөөдөр шинжилгээ өгсөн. Шинжилгээний хариу хэзээ гарах нь тодорхойгүй байгаа.
-Өмнө нь танай аймагт сэжигтэй тохиолдол бүртгэгдэж байсан шүү дээ. Энэ иргэн тусгаарлалтандаа байгаа юу?
-Тийм ээ. Тухайн хүн нь тусгаарлалтад байгаа. Одоогоор батлагдсан тохиолдол байхгүй.
Завхан аймгийн шуурхай штаб: Манайд нэг сэжигтэй тохиолдол бүртгэгдэж, хөл хорио тогтоосон нь үнэн |
|