ЭМЯ болон ХӨСҮТ-өөс коронавирусийн нөхцөл байдлын талаарх ээлжит мэдээллээ өглөө. Энэ үеэр ХӨСҮТ-ийн Тандалт судалгааны албаны дарга А.Амбасэлмаа “Нэгдүгээр сарын 31-нд ХӨСҮТ, ЗӨСҮТ болон орон нутгийн вирус судлалын лабораториудад  5433 хүнд шинжилгээ хийснээс  35 хүнээс халдвар илэрлээ. Энэ нь өмнөх батлагдсан тохиолдлын ойрын хавьтал болон тусгаарлалтад байгаа иргэдийн давтан шинжилгээгээр Улаанбаатарт илэрсэн тохиолдол. Батлагдсан тохиолдлуудын ойрын хавьтал 1000 гаруй, хоёдогч хавьтал 6000 гаруй иргэн байна. Мөн гуравдагч хавьтлуудыг нэмж тусгаарлаж байгаа" гэв. Ингэснээр манай улсад коронавирусийн нийт батлагдсан тохиолдол 1814 болж, Улаанбаатарт 980 тохиолдол батлагдаад байгаа юм