Баянзүрх дүүргийн XIX хорооны 500 оюутны байранд хөл хорьж, хамгаалалтад аваад байгаа. Өнөөдөр тус байранд амьдардаг иргэдээс коронавирусийн шинжилгээ авсан юм. Тодруулбал, Дархан-Уул аймаг руу хүнсний тээвэр хийж байсан жолоочоос өнөөдөр (2021.01.28) коронавирусийн халдвар илэрсэн бөгөөд тухайн иргэн тус 500 оюутны байранд амьдардаг байжээ.

Тус байранд амьдардаг 41 өрхийн 110 иргэнээс коронавирусийн шинжилгээ аваад байна

Иймд тус байранд амьдардаг 41 өрхийн 110 иргэнээс коронавирусийн шинжилгээ аваад байгаа юм. Шинжилгээний хариу маргааш гарах бөгөөд тэр хүртэл тус байранд хөл хорио тогтоох аж. Шинжилгээний хариу ямар байхаас хамаарч цаашид хөл хорих эсэхийг шийдэх юм байна. Харин Дархан-Уул аймаг руу хүнсний тээвэр хийж байсан жолоочийг Улаанбаатар хот руу шилжүүлэн, ХӨСҮТ-д эмчилж байгаа юм.