Коронавирусийн батлагдсан тохиолдол өнгөрсөн 24 цагийн хугацаанд 25 тохиолдлоор нэмэгдсэн. Эдгээрийн нэг нь орон нутагт буюу Дархан-Уул аймагт хүнс тээвэрлэж байсан жолооч байгаа юм.

Мөн өчигдөр бид Завхан, Увс аймагт сэжигтэй тохиолдол бүртгэгдсэн талаар мэдээлсэн. Одоогоор сэжигтэй тохиолдлын хариу гараагүй байгаа аж. Баталгаажуулах шинжилгээ хийж байгаа бөгөөд иргэдийг тусгаарласан байна. Сүүлийн үед гудамж, хороолол, сайн дураар, хөдөө орон нутаг явахаар шинжилгээнд хамрагдсан иргэдээс вирус илрэх тохиолдол байгааг Эрүүл мэндийн яамнаас мэдээллээ. Нийслэлд хэд хэдэн дүүрэгт идэвхтэй голомт байгаа аж. Халдварын эх үүсвэр тодорхойгүй байгаа учраас халдвар хамгааллын дэглэмээ баримтлахыг мэргэжилтнүүд анхаарууллаа.