АНУ шинэ оны эхний өдөр гэхэд 20 сая иргэнээ вакцинд хамруулна гэсэн ч тэрхүү амлалтдаа хүрэлгүй 2021 оныг угтлаа. Шинэ оны “Ковид-19”-тэй холбоотой албан ёсны эхний мэдээг Жон Хопкинсийн их сургуулиас хийсэн байна. Тус сургуулийнхан өнгөрсөн долоо хоногт АНУ-д нийт 2637 нас баралт бүртгэгдэж, дунджаар 33 секунд тутамд нэг иргэн коронавирусийн халдвараар нас барж байгаа талаар мэдээллээ.

       Өнгөрсөн сард цар тахалтай холбоотой нас баралтын тоо өндөр түвшинд хүрч, 77572 хүн амь эрсэджээ. Ялангуяа арванхоёрдугаар сарын 27-ноос энэ сарын 2 хүртэл вирусийн тархалт өндөр түвшинд хүрсэн бөгөөд цаашид ч халдварын тархалт, нас баралт нэмэгдэх төлөвтэй байгааг шинжээчид дурдаж байна.