Эрүүл мэндийн яамны мэдээллийн үеэр ЭМЯ-ны сайдын зөвлөх О.Батбаяр "Сар шинийн баяраар хүүхдүүд тэр дундаа 12 наснаас доош насны хүүхдүүд шинж тэмдэггүйгээр хөнгөн өвдөж, халдварыг эцэг, эхчүүдэд тараах эрсдэл байна. Олон улсад хийсэн судалгаагаар, сургуулийн 12-оос доош насны хүүхдүүдтэй гэр бүлийн насанд хүрсэн хүмүүсийн өвдөлт, хүүхэдгүй насанд хүрсэн хүмүүсийн өвдөлттэй харьцуулахад өндөр байгаа учир хүүхдүүд шинж тэмдэггүй өвчилж, халдварыг тарааж байна гэсэн дүн гарсан. Тиймээс цагаан сараар шинэ хувилбар орж ирэх эрсдэлтэй байгаа учир цагаан сарыг гэр гэртээ тэмдэглэхийг уриалж байна" гэлээ.