ХӨСҮТ-өөс цаг үеийн асуудлаар мэдээлэл өглөө. Энэ үеэр тус төвийн захирал Ц.Билэгтсайхан “ХӨСҮТ-д хувилбарын тандалтын шинжилгээ хийгддэг. Тус тандалт оны өмнөх шинжилгээгээр нийт тохиолдлуудын 1-3 хувь нь омикрон хувилбарын тархалт байсан бол он гараад эхний долоо хоногт 40-50 болж ихэссэн. Харин хоёр дахь долоо хоногт 60-70 болж өссөн. Хамгийн сүүлд, нэгдүгээр сарын 17-ны шинжилгээгээр омикроны тархалт 90 хувьд хүрсэн байна. Бид  PCR болон бүрэн геномийн дараалал тодорхойлох шинжилгээгээр дээрх хувь тоог баталгаажуулж явдаг” гэв.