Эрүүл мэндийн яамнаас цаг үеийн нөхцөл байдалтай холбоотойгоор ээлжит мэдээллээ хийлээ.

Өнгөрсөн 24 цагийн хугацаанд 2135 хүнээс коронавирусийн халдвар илэрч, коронавирусийн хүндрэлээр гурван хүн амиа алджээ.

Коронавирусийн халдвар нь батлагдсaн 2135 хүний 1344 нь Улаанбаатарт, 791 нь орон нутагт илэрч, гурван тохиолдол зөөвөрлөгдсөн байна.

Улсын хэмжээнд нийт 8210 хүн эмнэлэгт хэвтэн эмчлүүлж байгаагаас хөнгөн 2561, хүндэвтэр 4824, хүнд 778, маш хүнд оноштой 47 хүн байгаа юм.