Улаанбаатар хотод өнөөдөр коронавирусийн эсрэг вакцинжуулалтын суурин 173, явуулын зургаа, түр 13 цэг ажиллана. Эдгээр цэгүүдэд 193 багийн 884 эмч, ажилтан ажиллаж, 9,600 иргэнийг дархлаажуулахаар төлөвлөжээ. Мөн томоохон зах, худалдааны төвд 13 түр цэг, их, дээд сургуулиудад дархлаажуулалтын явуулын зургаан баг ажиллаж байгаа бөгөөд вакцинжуулах цэгүүд 10:00-20:00 цаг хүртэл ажиллах юм.

          Харин коронавирусийн шинжилгээний цэгүүд долоон дүүргийн байршлын цэгт 09:00-12:00 цагийн хооронд ажиллаж, 580 хүнээс халдвар авах шинжилгээ авчээ.