Улаанбаатар хотод өнөөдөр коронавирусийн эсрэг вакцинжуулалтын явуулын 41 баг, суурин 39 цэг ажиллана. Дархлаажуулах цэгүүд өнөөдрийн 09:00-17:00 цагийн хооронд ажиллах юм. Вакцинжуулах цэгүүдэд 89 багийн 340 эмч, ажилтан ажиллаж, 4918 иргэнийг дархлаажуулахаар төлөвлөжээ.

Нийслэлийн хэмжээнд өчигдөр

• I тунд 69,
• II тунд 144,
• нэмэлт сэргээх тунд 2,895 буюу нийт 3108 иргэнийг дархлаажуулсан байна.

Вакцинжуулалт эхэлснээс хойш нийслэлийн нийт хүн амын I тунгийн хамралт 74.7 хувь, II тунгийн хамралт 71 хувь, нэмэлт тунгийн хамрагдалт 21.2 хувь байна.

Мөн 2953 жирэмсэн эх, 12-15 насны 67588, 16-17 насны 26567 хүүхэд тус тус дархлаажуулалтын бүрэн тунд хамрагдаад байгаа юм.