Зооноз өвчин судлалын үндэсний төвөөс шинжилгээний цэгүүдийн ачаалал, цар тахлын нөхцөл байдлаас шалтгаалан явуулын болон суурин цэгт ажиллах багийг ажиллуулж эхэлжээ.

Тус төвийн явуулын баг PCR болон түргэвчилсэн шинжилгээг байгууллагын захиалгаар очиж авах боломжтой байна. Харин суурин цэг нь Зооноз өвчин судлалын үндэсний төвд өдөр бүр 09:00-13:00 цагийн хооронд шинжилгээ авах аж.

Ингэхдээ эрүүл мэндийн даатгал төлдөг иргэд төлбөр төлөхгүйгээр даатгалаараа шинжилгээнд хамрагдах байна.