Улаанбаатар хотод өнөөдөр коронавирусийн эсрэг вакцинжуулалтын явуулын 32 баг, суурин 38 цэг ажиллана. Вакцинжуулалтын цэгүүдэд 79 багийн 307 эмч, ажилтан ажиллаж, 4818 иргэнийг дархлаажуулахаар төлөвлөжээ. Дархлаажуулалтын цэгүүд 09:00-17:00 цагийн хооронд ажиллана.

Нийслэлийн хэмжээнд өчигдөр коронавирусийн эсрэг вакцины

• I тунд 51,
• II тунд 129,
• нэмэлт сэргээх тунд 1246 буюу нийт 1426 иргэнийг дархлаажуулсан байна.

Вакцинжуулалт эхэлснээс хойш нийслэлийн нийт хүн амын I тунгийн хамралт 74.6 хувь, II тунгийн хамралт 71.2 хувь, нэмэлт тунгийн хамрагдалт 18.9 хувь байна. Мөн 2940 жирэмсэн эх, 12-15 насны 67386, 16-17 насны 26477 хүүхэд тус тус дархлаажуулалтын бүрэн тунд хамрагдсан талаар Нийслэлийн Онцгой комиссоос мэдээлэв.