Өнөөдрийн байдлаар нийслэлийн хэмжээнд 97 байршилд нийт 71.4 мянган тонн сайжруулсан шахмал түлшний нөөц байгаа талаар Эрчим хүчний яамнаас мэдээлэв. Мөн үйлдвэрийн гол түүхий эд болох барьцалдуулагч бүтээгдэхүүний сарын нөөцтэй тул шахмал түлшний хомсдол үүсэхгүй гэв.

Одоогоор гэр хорооллын бүсэд гэрээт борлуулалтын 412 цэг ажиллаж байгаа бөгөөд цаг агаарын нөхцөл байдалтай уялдуулан цэгийн тоог нэмнэ гэдгийг мөн тус яамнаас мэдээлсэн юм.