Улаанбаатар хотод өнөөдөр буюу есдүгээр сарын 23-нд коронавирусийн эсрэг дархлаажуулалтын суурин 34 цэг 09:00-17:00 цагийн хооронд ажиллана. Эдгээр вакцинжуулах цэгт нийт 55 багийн 272 эмч, ажилтан ажиллаж, 4014 иргэнийг дархлаажуулахаар төлөвлөжээ.

Тэгвэл нийслэлийн хэмжээнд өчигдөр коронавирусийн

• I тунд 161,
• II тунд 462,
• нэмэлт сэргээх тунд 2145 буюу нийт 2768 иргэнийг дархлаажууллаа.

Вакцинжуулалт эхэлснээс хойш нийслэлийн нийт хүн амын I тунгийн хамралт 74.5 хувь, II тунгийн хамралт 70.5 хувь, нэмэлт тунгийн хамрагдалт 15 хувь байна. Мөн 2886 жирэмсэн эх, 12-15 насны 66099, 16-17 насны 26044 хүүхэд тус тус дархлаажуулалтын бүрэн тунд хамрагдлаа гэж Нийслэлийн Онцгой комиссоос мэдээлэв.