Улаанбаатар хотод өнөөдөр буюу есдүгээр сарын 22-нд дархлаажуулалтын суурин 35 цэг 09:00-17:00 цагийн хооронд ажиллана. Вакцинжуулах цэгүүдэд 56 багийн 284 эмч, ажилтан ажиллаж, 4896 иргэнийг дархлаажуулахаар төлөвлөжээ. 

Нийслэлийн хэмжээнд өчигдөр

• I тунд 105,
• II тунд 417,
• нэмэлт сэргээх тунд 1769 буюу нийт 2291 иргэн дархлаажуулалтад хамрагдсан байна.

Вакцинжуулалт эхэлснээс хойш нийслэлийн нийт хүн амын I тунгийн хамралт 74.4 хувь, II тунгийн хамралт 70.4 хувь, нэмэлт тунгийн хамрагдалт 14 хувь байна. Мөн 2875 жирэмсэн эх, 12-15 насны 65941, 16-17 насны 25981 хүүхэд тус тус дархлаажуулалтын бүрэн тунд хамрагдсан талаар Нийслэлийн Онцгой комиссоос мэдээллээ.