Улаанбаатар хотод өнөөдөр буюу наймдугаар сарын 26-ны өдөр коронавирусийн эсрэг дархлаажуулалтын явуулын хоёр, суурин 46 цэг ажиллана. Вакцинжуулалтын цэгүүдэд 62 багийн 406 эмч, ажилтан ажиллаж, 5200 иргэнийг дархлаажуулахаар төлөвлөжээ.

Нийслэлийн хэмжээнд өчигдөр уг вакцины I тунд 778, II тунд 2658, III тунд 3214 буюу нийт 6650 иргэн дархлаажуулалтад хамрагдсан. Вакцинжуулалт эхэлснээс хойш нийслэлийн нийт хүн амын I тунгийн хамралт 73.9 хувь, II тунгийн хамралт 68.7 хувьтай байгаа юм.