Улаанбаатар хотод өнөөдөр буюу наймдугаар сарын 11-нд коронавирусийн эсрэг вакцинжуулалтын суурин 40 цэг ажиллана. Суурин 40 цэгт 48 багийн 325 эмч, ажилтан ажиллаж, 5408 иргэнийг дархлаажуулахаар төлөвлөжээ.

Нийслэлийн хэмжээнд өчигдөр коронавирусийн эсрэг вакцинжуулалтын I тунд 1159, II тунд 1167 буюу нийт 2326 иргэнийг хамруулжээ. Вакцинжуулалт эхэлснээс хойш нийслэлийн 18-аас дээш насны 1095049 иргэн I тунд, 994339 иргэн II тунд хамрагдаад байгаа юм. Мөн нийт 2192 жирэмсэн эх, 12-15 насны 33375, 16-17 насны 17083 хүүхэд тус тус II тунд хамрагджээ.