Улаанбаатар хотод өнөөдөр буюу наймдугаар сарын 9-ний өдөр коронавирусийн халдвар илрүүлэх шинжилгээний зургаан цэг ажиллана. Шинжилгээний цэгүүд 09:00-12:00 цагийн хооронд ажиллах бөгөөд 100-150 сорьц авах юм. 

Өчигдөр нийслэлд шинжилгээний гурван цэгт 20 эмч, ажилтан ажиллажээ. Мөн тандалт, хариу арга хэмжээний 58 багт 232 эмч, ажилтан 58 тээврийн хэрэгсэлтэй ажиллалаа. Түүнчлэн явуулын амбулаторийн үйлчилгээг 22 эмч, ажилтан зургаан автобусаар үзүүлж, дархлаажуулалтын суурин 17 цэгт 146 эмч, ажилтан ажилласан талаар НЗДТГ-ын Хэвлэл мэдээлэлтэй харилцах хэлтсээс мэдээлэв.​