Коронавирусийн халдвар авсан иргэдийн тоо Улаанбаатар хотод буурсан үзүүлэлттэй байгаа.  Өнгөрсөн 24 цагийн хугацаанд 1063 хүнээс халдвар илэрч, 283 нь Улаанбаатар хотод, 780 нь орон нутагт илэрсэн байна.

Ийн нийслэлд халдвар авсан иргэдийн тоо буурсан нь шинжилгээ өгөх хүний тоо багассантай холбоотой хэмээн иргэд шүүмжилж буй. Энэ талаар ХӨСҮТ-ийн захирал Л.Баттөр цахим хуудастаа тайлбар хийжээ. Тэрбээр “Шинжилгээний тоотой холбоотой тохиолдол бага болж байна гэсэн эргэлзээ их байна. Эргэлзэх хэрэггүй. Улаанбаатар хотод эерэг илрэх хувь буурч байгаа. Шаардлагагүй шинжилгээ эрс буурч байна. Орон нутаг явах, албан байгууллагууд шинжилгээ нэхдэг байсан учраас PCR их байсан үе бий. Гэхдээ тайвшрах болоогүй шүү” гэжээ.