Эрүүл мэндийн яамнаас хийсэн мэдээллийн үеэр Нийтийн эрүүл мэндийн бодлогын хэрэгжүүлэлтийг зохицуулах газрын дарга Л.Энхсайхан “Өнөөдрийн байдлаар манай улсад долоон хүн дельта вирусийн халдвар авсан. Тэдний хавьтлын судалгааг хийж байгаа” гэлээ.

  Мөн нийт хүн амын дунд дельта вирусийн давлагаа тархсан тохиолдолд халдварын тоо огцом нэмэгдэх эрсдэлтэй гэдгийг ХӨСҮТ-ийн дэд захирал Ж.Байгалмаа хэллээ.

   Коронавирусийн дельта хувилбарын халдварлах болон халдвар авснаас хойш шинж тэмдэг илрэх нууц үеийн хугацаа өмнөх хувилбаруудаас богино болсон. Мөн халдвар авсан тохиолдолд олон эрхтний эмгэг, өвчлөл үүсгэх тул халдвар хамгааллын дэглэмээ мөрдөхийг анхааруулж байна.