Үндэсний статистикийн хорооноос коронавирусийн тархалт, нөхцөл байдлын судалгаа гаргажээ.

2021 оны долдугаар сарын 5-ны байдлаар коронавирусийн батлагдсан тохиолдлын 35.5 хувь нь аль нэг төрлийн вакцины I болон II тунд хамрагдсаны дараа өвчилсөн байна.

Тодруулбал, I тунд хамрагдсаны дараа 7.6 хувь нь, II тунд хамрагдсаны дараа 27.9 хувь нь өвчилжээ. Харин өвчилсөн иргэдийн 64.5 хувь нь огт вакцинд хамрагдаагүй иргэд байгаа юм. Мөн коронавирусийн халдвараар нас барсан иргэдийн ихэнх буюу 61.6 хувь нь вакцинд хамрагдаагүй, 20.7 хувь нь бүрэн тунд, 17.6 хувь нь I тунд хамрагджээ.