Өнөөдөр буюу долдугаар сарын 20-нд Улаанбаатар хотод суурин 19 цэгт 29 багийн 208 эмч, ажилтан ажиллаж, 5155 иргэнийг дархлаажуулахаар төлөвлөжээ. Өчигдрийн байдлаар нийслэлийн хэмжээнд нийт 1499140 иргэнээс нэгдүгээр тунд 1048146 /69 хувь/, хоёрдугаар тунд 932134 /62 хувь/ иргэн тус тус хамрагдсан байна. Мөн 18-аас дээш насны 953058 иргэнээс нэгдүгээр тунд 992350  үүнээс 3197  жирэмсэн, хоёрдугаар тунд 922144 үүнээс 885 жирэмсэн тус тус хамрагдсан байна. Харин 12-17 насны 135225 хүүхдээс нэгдүгээр тунд 55796 нь хамрагдсан ба үүнээс 12-15 насны 36454, 16-17 насны 19342 хүүхэд тус тус хамрагджээ.