ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийв.

Өнгөрсөн 24 цагийн хугацаанд 1171 хүнээс коронавирусийн халдвар илэрч, Монгол Улсад бүртгэгдсэн нийт тохиолдлын тоо 148424 болов. Мөн “Ковид-19”-ийн хүндрэлээр зургаан хүн амиа алдаж, улсын хэмжээнд нийт 740 нас баралт бүртгэгдээд байгаа юм.

Шинээр коронавирусийн халдвар нь илэрсэн 1171 хүнээс 544 нь Улаанбаатар хотод, 627 нь орон нутагт илэрсэн байна.

Мөн шинээр 3489 хүн эдгэрч, эмнэлгээс гарснаас улсын хэмжээнд нийт эдгэрсэн тохиолдол 134101 болов. Харин эмнэлэгт хэвтэн эмчлүүлж байгаа иргэдийн 5897 нь хөнгөн, 3016 хүндэвтэр, 892 нь хүнд, 208 нь маш хүнд биеийн байдалтай байгаа юм.