ЭМЯ-наас цаг үеийн нөхцөл байдалтай холбоотойгоор мэдээлэл хийв.

Өнгөрсөн 24 цагийн хугацаанд 7628 сорьцод шинжилгээ хийхэд 1496 хүнээс коронавирусийн халдвар илэрчээ. Улмаар Монгол Улсад бүртгэгдсэн нийт халдварын тохиолдлын тоо 139284 болов. Мөн “Ковид-19”-ийн хүндрэлээр таван хүн амиа алджээ. Улсын хэмжээнд нас баралтын тоо 689 боллоо.

Шинээр коронавирусийн халдвар нь илэрсэн 1496 хүнээс 806 нь Улаанбаатар хотод, 690 нь орон нутагт илэрсэн байна.

Мөн шинээр 3858 хүн эдгэрч эмнэлгээс гарсан бол эмнэлэгт хэвтэн эмчлүүлж байгаа биеийн байдал хөнгөн 7523, хүндэвтэр 3470, хүнд 1004, маш хүнд 192 хүн өвчтөн байгаа юм.