ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийлээ.

Өнгөрсөн 24 цагийн хугацаанд 9002 хүний сорьцод шинжилгээ хийхэд шинээр 1510 хүнээс коронавирусийн халдвар илэрч, Монгол Улсад батлагдсан нийт халдварын тоо 131962 болов. Мөн есөн хүн коронавирусийн хүндрэлийн улмаас амиа алдаж, улсын хэмжээнд нас барсан тохиолдол 655 болжээ.

Шинээр коронавирусийн  халдвар нь илэрсэн 1510 хүний 752 Улаанбаатар хотод, 758 нь хөдөө орон нутагт илэрсэн байна.

Мөн шинээр 1541 хүн эдгэрч, эмнэлгээс гарсан бол 12888 хүн хэвтэн эмчлүүлж байна. Хэвтэн эмчлүүлж байгаа хүмүүсийн 8195 нь хөнгөн, 3303 нь хүндэвтэр, 1169 нь хүнд, 221 нь маш хүнд байдалтай байгаа талаар ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр мэдээллээ.