АНУ-ын Харшил, халдварт өвчин судлалын үндэсний хүрээлэнгийн захирал, Ерөнхийлөгчийн эрүүл мэндийн ахлах зөвлөх Энтони Фаучи мэдэгдэл хийжээ.

       Тэрбээр өнгөрсөн зургадугаар сард “Ковид-19” халдвараар амиа алдсан нийт хүний 99.2 хувь вакцинжуулалтад хамрагдаагүй байсан бол үлдсэн 0.8 хувь нь бүрэн дархлаажсан байсан талаар мэдээлэв.

       Уг мэдэгдлээрээ дамжуулан АНУ-ын Ерөнхийлөгчийн зөвлөх Энтони Фаучи коронавирусийн эсрэг вакцинд эргэлзэж байгаа хүмүүст хандан “Коронавирусийн вакцин нь халдварын хүндрэлийг бууруулах, амиа алдах эрсдэлийг багасгаж байгааг нотолсон” тухайгаа хэлсэн юм.

       Долдугаар сарын 4-ний өдрийн байдлаар АНУ-д нийт насанд хүрэгчдийн 67.1 хувь нь вакцины эхний тундаа хамрагдсан, 47.4 хувь нь дархлаажуулалтдаа бүрэн хамрагдсан үзүүлэлттэй байна.

Эх сурвалж: The Hill