ЭМЯ-наас коронавирусийн нөхцөл байдлын талаар ээлжит мэдээллээ өглөө. Энэ үеэр ЭМЯ-ны хэвлэлийн төлөөлөгч Б.Ууганбаяр "Сүүлийн 24 цагт 9000 гаруй сорьцод шинжилгээ хийхэд 2401 хүнээс коронавирусийн халдвар илэрлээ. Ингэснээр улсын хэмжээнд нийт халдварын тоо 122740 болж байна. Шинээр батлагдсан тохиолдол бүгд дотоодынх бөгөөд гаднаас зөөвөрлөгдсөн халдварын тохиолдол бүргтгэгдээгүй. Харин дотоодын халдварыг дотор нь задалбал 1432 нь Улаанбаатар хотод, 969 нь орон нутагт илэрсэн" гэв.
Өнгөрсөн хоногт коронавирусийн халдвар авсан хүмүүсийг насны бүлгээр авч үзвэл,
• 0-4 насны 133
• 5-9 насны 193
• 9-14 насны 177
• 15-17 насны 83
• 18-24 насны 210
• 35-29 насны 214
• 30-34 насны 321 хүн халдвар авчээ. Халдвар авч буй хүмүүсийн олонх нь 30-34 насныхан байна.
Харин өнөөдөр 1502 хүн эдгэрчээ. Тэдний 1113 нь эмнэлэгт эмчлүүлж гарсан бол, 344 нь гэрээр эмчилгээ хийж, өрхийн эмчээс эдгэрсэн гэсэн бичиг авчээ. Коронавирусийн нэн хүнд хэлбэрээр хэвтэн эмчлүүлж байсан 17 хүн нас барсан байна. Нас барсан иргэдийн ар гэрт гүн эмгэнэл илэрхийлье.
Сүүлийн 24 цагт 17 хүн нас барж, 2401 иргэнээс коронавирус илэрлээ |
|