Коронавирус цар тахал эхэлснээс хойш халдварын эх уурхай яг хаанаас, хэзээ гарсныг эрдэмтэд тогтоохыг хичээсээр байгаа. Тэгвэл Давид Л.Роббертс, Иван Жарик, Жереми С.Россман нарын “Ковид-19-ийн анхны тохиолдлууд” судалгааны үр дүнд коронавирус албан ёсоор бүртгэснээс хэдэн долоо хоногийн өмнө илэрсэн байж магадгүй гэж үзжээ. Тархалтын шинэ загварчлалаар SARS-COV-2 вирус Хятадад 2019 оны аравдугаараас хүнд халдварлаж эхэлсэн байж магадгүй гэж таамаглаж байгаа ч арваннэгдүгээр сарын дунд үед халдварласан байх магадлал хамгийн өндөр аж. Тэд судалгаандаа оновчтой шугаман тооцооллын᠎ (OLE) аргыг ашигласан байна. Цар тахал 2020 оны тавдугаар сар гэхэд дэлхийн 200 гаруй оронд тархсан. Тиймээс уг математик загварчлалын аргаар “Ковид-19” эхэлсэн хугацааг тогтоохыг зорьжээ. Ийнхүү судлаачид арваннэгдүгээр сарын 17-нд анхы тохиолдол  гарсан байж магадгүй гэж үзсэн байна. Мөн коронавирус Хятадаас 2020 оны нэгдүгээр сарын гурванд Япон, долоонд Тайланд, 12-нд Испани, 14-нд Өмнөд Солонгос, 16-нд АНУ-д тарсан гэж тооцоолсон байна. 

Эх сурвалж: www.sciencealert.com

Б.Бадамзул