Дэлхийн орнуудад коронавирусийн эсрэг вакциныг тэгш хүртээмжтэй хүргэх зорилгоор ДЭМБ-аас санаачилсан Ковакс хөтөлбөрийн хүрээнд өнөөдөр буюу зургадугаар сарын 22-ны байдлаар нийт 131 оронд 90 орчим сая тун вакцин хүргээд байгаа талаар ДЭМБ-ын ахлах зөвлөх Брюс Эйлвард мэдээлэв.

Түүний мэдээлснээр Ковакс хөтөлбөрийг цааш үргэлжлүүлж, дэлхийн орнуудад коронавирусийн эсрэг вакцин нийлүүлэх нөөц хангалтгүй байгаа гэнэ.

Мэдэгдлийн үеэр Брюс Эйлвард "Ядуу буурай орнуудын иргэдийг цар тахлаас аврах боломжгүй боллоо" хэмээсэн юм.

Африкийн зарим оронд коронавирусийн гурав дахь давлагаа эхэлсэн нь халдварын тархалтад нөлөөлж, өдөрт бүртгэгдэх тохиолдлын тоо эрс нэмэгджээ.

Улмаар ДЭМБ-аас дэлхийн томоохон улсуудыг вакцин нөөцөлж, хадгалахгүй байхыг уриалж байна.

Эх сурвалж: BBC