Эрүүл мэндийн яамнаас зургадугаар сарын дундуур халдварын тохиолдол эрс буурна гэж мэдэгдсэн. Гэсэн хэдий ч өнөөдрийн байдлаар халдвар авсан иргэд 2500-аас буухгүй байна.

Энэ талаар Эрүүл мэндийн сайд С.Энхболд хэвлэлд ярилцлага өгөх үеэрээ “Нөхцөл байдал хүнд байна. Халдварын тохиолдол 2500 дээш гарлаа. Цаашид халдвар тогтмол өсөх хандлагатай байна. Эмнэлгүүд ачааллаа дийлэхгүй байна. Халдвар ихсэх нь хөл хөдөлгөөнтэй шууд холбоотой. Өнгөрсөн тавдугаар сарын 22-ны өдөр хөл хорио тавигдсан. УОК-ын дэргэдэх эрдэмтдийн зөвлөл, ЭМЯ-ны мэргэжилтнүүд судалж үзээд, зургадугаар сарын дундуур халдварын тоо буурна гэж тооцоолсон. Гэсэн хэдий ч сүүлийн 14 хоногийн хугацаанд Сүхбаатарын талбай дээр хүний бөөгнөрөл маш их байсан. Үүнийг бид тооцоолоогүйгээс болж халдвар нэмэгдсэн” гэлээ.