Халдварын нөхцөл байдалд хяналт тавих УИХ дахь түр хороо хуралдаж байна. Энэ үеэр Эрүүл мэндийн сайд С.Энхболд “Коронавирусийн эсрэг арбидол, авиган тэргүүтэй эмнүүдийг тогтмол худалдан авч, нөөцөлж байгаа. Одоогийн байдлаар вирусийн эсрэг 650 мянга гаруй эмийн нөөц байна. Үрэвслийн эсрэг есөн төрлийн нэг тэрбум төгрөгийн антибиотик байгаа. Оношлуурын хувьд PCR шинжилгээний 80 мянга, түргэвчилсэн оношлуурын 90 мянган ширхэг нөөц бий. Хамгаалах хувцас хэрэгслийн хоёр сарын нөөц байгаа” гэсэн юм.