Эрүүл мэндийн яамнаас коронавирусийн цар тахлын нөхцөл байдлын талаарх мэдээлэл хийж байна. Мэдээллийн эхэнд хүүхдүүд халдвар авах эрсдэл нэмэгдэж байгаа талаар анхааруулж, зөвлөгөө мэдээлэл өгч байна. 

Сүүлийн 24 цагийн хугацаанд 10488 хүнд шинжилгээ хийхэд 2188 хүнээс халдвар илэрчээ. Ингэснээр нийт батлагдсан тохиолдол 75084 боллоо. Үүнээс Улаанбаатар хотод 1498 хүн, хөдөө орон нутагт 683, эмнэлгээс шалтгаалсан халдвар долоо байна. Түүнчлэн халдварын нэн хүнд хэлбэрээр 10 хүн нас барж, нийт нас барсан хүний тоо 361 болжээ.