Нийслэлийн хэмжээнд хязгаарлалт тогтоосон салбар, чиглэлүүдийн үйл ажиллагааг үе шаттайгаар нээх хүрээнд нэгдүгээр сарын 23-наас бүх төрлийн барааны худалдааг хэвийн горимд шилжүүлсэн. Энэ хүрээнд “Нарантуул” худалдааны төв ажиллаж эхэлсэн билээ.

Энгийн үед бол Цагаан сарын баяр хаяанд ирсэн энэ өдрүүдэд тус худалдааны төвд хөл тавих зай олдохгүй байдаг сан. Тэгвэл хоёр сар гаруйн хугацаанд бараагаа хав дарж, ганц төгрөгийн ч наймаа хийж чадаагүй наймаачид үйл ажиллагаагаа нээсэн ч худалдан авагчгүй болжээ. Түүнчлэн өдийд хамгийн эрэлттэй байдаг торго, бүс, даавуу, бэлгийн бараагаа сүүлийн хоёр жилийн Цагаан сараар борлуулж чадаагүйгээ наймаачид хэлж байлаа.

"Нарантуул" олон улсын худалдааны төв хийгээд наймаачдын нөхцөл байдлыг  гэрэл зургаар хүргэж байна.