Батлан хамгаалахын яамны ажилтнууд батлагдсан тохиолдлын нэгдүгээр хавьтал болсон тул тусгаарлажээ. Тодруулбал, Үндэсний батлан хамгаалахын их сургуулийн ажилтны эхнэр коронавирусийн халдвартай нь батлагдаж, нөхрийг нь тусгаарласан байна. Халдвар илэрсэн иргэний нөхөр нь Батлан хамгаалахын яамны мэргэжилтнүүдтэй уулзсан тул тус яамны 13 ажилтныг тусгаарлах байранд тусгаарлажээ. Одоогийн байдлаар тус ажилтнуудын эхний шинжилгээний хариу сөрөг гараад байгаа аж.