УОК-ын даргын шийдвэрийн дагуу тавдугаар сарын 1-нээс хилээ нээхээр төлөвлөж, бэлтгэлээ хангаж эхэлсэн талаар Шадар сайдын Ажлын албанаас мэдээлсэн. Тэгвэл өчигдөр УОК дахин хуралдаж, хилээ тавдугаар сарын 10-наас нээх саналыг Засгийн газарт танилцуулахаар болсон байна. Хил нээхтэй холбоотойгоор ИНЕГ-ын хэвлэлийн төлөөлөгчөөс тодруулахад

“Манай талаас хил нээж нислэг үйлдэхэд шаардлагатай халдвар хамгааллын дэглэм, ариутгалын зүйлсийн бэлтгэл ажлыг бүрэн хангасан. Гэвч манай талаас хилээ нээж, бэлтгэл ажлаа бүрэн хангасан ч бүх орон руу нислэг үйлдэх боломжгүй. Халдвар хамгаалал, ариутгалын дэглэмийг барих бэлтгэлээ хангасан, харилцан нислэгийн хуваариа төлөвлөсөн цоон тооны орон руу нислэг үйлдэнэ” гэв.

Монгол Улс хилээ нээснээр ирэх тавдугаар сард Токио, Сөүл, Фракфурт, Станбул чиглэлийн 16 нислэгийг төлөвлөөд байгаа юм.