Цахим сүлжээнд амьд хөгжмийн “Playtime” наадмын үеэр хүн амины хэрэг гарчээ”, “Авто осол гарсан” зэрэг мэдээлэл түгж байгаатай холбоотойгоор ЦЕГ-ын Хэвлэл мэдээллийн төвтэй холбогдож тодрууллаа. Энэ талаар ЦЕГ-ын Хэвлэл мэдээллийн төвийн мэргэжилтэн “Playtime” наадмын үеэр хүн амины хэрэг гарсан гэдэг нь ташаа мэдээлэл. Тус наадмын үеэр гэмт хэргийн шинжтэй дуудлага, мэдээлэл бүртгэгдээгүй” гэв.

                 Ташрамд дурдахад, амьд хөгжмийн “Playtime” наадам энэ жил 21 дэх удаагаа зохион байгуулагдаж байгаа. Гэсэн ч цаг үеийн нөхцөл байдалтай холбоотойгоор зохион байгуулагчдын зүгээс өнөөдрийн буюу гурав дахь өдрийн хөтөлбөрийг цуцлаад байгаа юм.