“Эрдэнэт үйлдвэр” ТӨҮГ-ын Ерөнхий захирлын орлогч Ц.Бат-Энхийг иргэн Э-гээс 500 сая төгрөгийн үнэ хүрэх орон сууц залилсан гэх мэдээлэл цахим сүлжээнд гараад байна. Улмаар дээрх хэрэгтэй холбоотойгоор “Эрдэнэт үйлдвэр” ТӨҮГ-ын Ерөнхий захирлын орлогч Ц.Бат-Энхийг Сүхбаатар дүүргийн цагдаагийн нэгдүгээр хэлтсээс шалгаж байгаа гэх.

                       Бид үүнтэй холбоотойгоор “Эрдэнэт үйлдвэр” ТӨҮГ-ын хэвлэлийн төлөөлөгчтэй холбогдож тодруулахад “Б.Бат-Энх захирлыг иргэнээс 500 сая төгрөгийн орон сууц залилсан гэдэг нь ташаа мэдээлэл. Энэ асуудлаар манайхтай ямар ч газар холбогдоогүй. Би дур мэдээд хамаагүй ярьж болохгүй байна. Одоогоор захирлын хүүхдийнх нь бие өвдөөд өөрөө тайлбар өгөх боломжгүй байгаа” гэсэн юм.