• Өнөөдөр 2020-10-22

“Хониндоо явсан хүүхэд хүн алчихсан гэхээр гайхаад байна”

2020-09-10,   486

Хөвсгөл аймгийн Жаргалант сумын II багийн малчин 23 настай Б гэгч нь бэлчээрийн маргаанаас үүдэн 51 настай эрэгтэй Б, 51 настай эмэгтэй М нарыг буудаж, амийг нь хөнөөсөн хэргийн талаар бид өмнө нь мэдээлсэн. Тэгвэл хэргийн талаар гэмт хэрэгтэн Г.Б-ийн эгчээс тодруулахад “Манай эгч утсаа орхиод сумын төв явчихсан. Дүүгийн маань мотоциклыг сумын төвөөс 40 километр орчим Асгат гэдэг газраас саяхан олсон гэсэн. Өөрийг нь олоогүй байгаа. Аав, ээж нь цагдаа нартай хайхаар явчихлаа. Унаж явсан мотоцикл нь эвдэрчихсэн уулын аманд байна гэнэ лээ. Тэр газар мод, чулуу ихтэй болохоор хаашаа явсныг нь мэдэхгүй. Хэрэг өчигдөр 14:00 цагийн үед гарсан. Харин дүү маань 13:00 цагийн үед хониндоо явсан гэсэн.

Уурлаж, бухимдсан зүйлгүй зүв зүгээр л байсан юм билээ. Хониндоо явсан хүүхэд хүн алчихсан гэхээр гайхаад байна. Мөн малын бэлчээрээс болж энэ хавийн малчид муудалцдаг байсан. Дүү маань байнгын дарамттай, бэлчээрийн асуудлаас болж хэрүүл, тэмцэл болдог байсан. Гэхдээ тийм ч ууртай хүүхэд биш. Яагаад хэрэг явдал ийм дээрээ тулсныг сайн мэдэхгүй байна. Үүрч явсан буу нь аавынх нь” гэлээ. Гэмт хэрэгтэн Б нь бүрэн дунд боловсролтой гэнэ. Мөн гэр бүл зохиогоогүй бөгөөд аав, ээжтэйгээ хамт таван жил мал маллан амьдарч байгаа бөгөөд сэтгэцийн хувьд эрүүл, саруул хүүхэд аж.


“Хониндоо явсан хүүхэд хүн алчихсан гэхээр гайхаад байна”
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414
ergelt.mn@gmail.com