Г.Солтанд оноосон гурван жилийн хорих ялыг хэвээр үлдээлээ

Б. Гүнжид:
Улс төр- Мэдээ мэдээлэл

2020-09-23, 382

Нийслэлийн Эрүүгийн хэргийн давж заалдах шатны шүүх хуралдаан өчигдөр болжээ. Шүүх хуралдаанаар Г. Солтанд оноосон нийтийн албанд томилогдох эрхийг таван жилээр хасч, гурван жилийн хугацаагаар хорих ял оноож, уг ялыг нээлттэй хорих ангид эдлүүлэхээр шийдвэрлэсэн байна.
Баянзүрх дүүргийн Эрүүгийн хэргийн анхан шатны шүүхийн 2020 оны 07 дугаар сарын 29-ний өдрийн 1385 дугаар шийтгэх тогтоолтой эрүүгийн хэргийг шүүгдэгч Г.Солтан, түүний өмгөөлөгч Д.Тунгалаг нарын гаргасан гомдлыг үндэслэн хянан хэлэлцээд анхан шатны шүүхийн шийтгэх тогтоолд дараах өөрчлөлтийг оруулсан байна.

“Эрүүгийн хуулийн ерөнхий ангийн 7.5 дугаар зүйлийн 1 дэх хэсэгт зааснаар шүүгдэгч Г.Солтаны гэмт хэрэг үйлдэж олсон орлого болох 7.880.500 төгрөгийг шүүгдэгч Г.Солтанаас албадан гаргуулж, Эрүүгийн хуулийн ерөнхий ангийн 7.5 дугаар зүйлийн 3 дахь хэсэгт зааснаар улсын төсөвт шилжүүлсүгэй.” гэсэн нэмэлт заалтыг оруулж, шийтгэх тогтоолын бусад заалтыг хэвээр шийдвэрлэжээ.

Эх сурвалж: Шүүхийн хэвлэл, мэдээллийн хэлтэс

Г.Солтанд оноосон гурван жилийн хорих ялыг хэвээр үлдээлээ