Э.Батбаяр: Монголд 5-6 сая төгрөгийн цалин авдаг шүүгч байхгүй

2020-09-22, 499

Шүүхийн ерөнхий зөвлөлийн дарга Э.Батбаяр шүүгч нарын цалинг нэмэгдүүлэх нь зүйтэй гэдгийг хэллээ. Монгол Улсын шүүхийн тухай хуулийн шинэчилсэн найруулгыг төслийн танилцуулга-хэлэлцүүлэг яг одоо Төрийн ордонд болж буй бөгөөд энэ үеэр ШЕЗ-ийн дарга хэдийгээр иргэд, УИХ-ын гишүүд шүүгч нарыг өндөр цалинтай түүнийхээ хажуугаар авлига авдаг гэж ярьдаг боловч, шүүгч нарын цалин өндөр биш гэдгийг хэлсэн юм.

Тэрбээр Монгол Улсын хэмжээнд 5-6 сая төгрөгийн цалин авдаг шүүгч байхгүй гэдгийг хэлээд шүүгч зөвхөн ажилласан жилээсээ хамаараад нэг л төрлийн нэмэгдэл авч байгаа бол бусад хуулийн байгууллагын алба хаагчид гурван төрлийн 100 хувь хүртэл нэмэгдэл авч байгааг хэллээ.

Анхан шатны шүүгчийн цалин, хөлс ажилласан жилээсээ хамаараад 2,7-4,3 сая төгрөг байдаг гэв. Харин нэмэгдлийн тухайд ажилласан жил нь 5 жил хүрч байж 7 хувийн нэмэгдэл авдаг бөгөөд улсын хэмжээнд 25-аас дээш жил ажилласан анхан шатны шүүхийн 17 шүүгч 60 хувийн нэмэгдэл авдаг гэв.

Э.Батбаяр: Монголд 5-6 сая төгрөгийн цалин авдаг шүүгч байхгүй

Шинэ мэдээ

Нийтлэлчид